Агааржуулалтын систем нь энгийн агааржуулалтаас юугаараа давуу талтай вэ?

Хүн ам ихээр суурьшсан газарт хүчилтөрөгчийн түвшин аажмаар буурдаг тул агаарын бохирдуулагч бодис, утаа, үнэрийг гаргаж чийгшил, температурыг хянахад агааржуулалт хийх зайлшгүй шаардлагатай байдаг. Иймээс үр ашигтай агааржуулалт нь орон сууц, нийтийн барилга байгууламжийг төлөвлөхдөө анхаарах ёстой гол зүйлсийн нэг юм.

Барилга байгууламжуудад энгийн буюу салхивчны хоолой бүхий агааржуулалт эсвэл зориулалтын төхөөрөмж, агааржуулалтын иж бүрдлүүдээс бүрдэх агааржуулалтын аль нэг төрлийг ашигласан байдаг. 

Шинээр байр орон сууц авах гэж байгаа болон агааржуулалтаа засаж сайжруулахаар төлөвлөж буй хүмүүст зориулалтын ухаалаг агааржуулалтын систем нь энгийн агааржуулалтаас юугаараа ялгаатай болон тэдгээрийн давуу, сул талуудын талаарх мэдээллийг хүргэж байна. 

Юуны өмнө энгийн агааржуулалт болон агааржуулалтын систем гэж юу болох талаар товч тайлбарлая. 

Энгийн салхивчийн хоолой бүхий агааржуулалт

Байгалийн буюу таталцлын агааржуулалт гэдэг нь өрөөний дээд хэсгээс дулаан агаарыг гадагш гаргах үүрэгтэй босоо агааржуулалтын сувгуудаас бүрддэг бөгөөд тохиромжтой нөхцөлд агааржуулалтын янданд үүссэн даралтын зөрүүгээр агаарыг гадагшлуулдаг. 

Зориулалтын төхөөрөмж, агааржуулалтын иж бүрдлүүдээс бүрдэх агааржуулалт

Энэ нь агааржуулалтын хамгийн хэмнэлттэй арга бөгөөд дулааныг нэгэн зэрэг сэргээж, гаднаас агаарыг шүүж тогтмол цэвэр агаарын солилцоог баталгаажуулдаг.

Агааржуулалтын төрлүүдийн давуу болон сул талууд

Энгийн салхивчны хоолой бүхий агааржуулалтын давуу талууд:

• Агааржуулалтыг ажиллуулах механик төхөөрөмж суурилуулах шаардлагагүй
• Барилгын бүх хэсэгт агааржуулалтын системийг суурилуулах шаардлагагүй
• Засвар үйлчилгээ шаарддаггүй

Энгийн салхивчны хоолой бүхий агааржуулалтын сул талууд:

• Гаднах агаарыг шүүдэггүй учраас агаарын бохирдол өрөөнд орж ирдэг
• Салхивчны хоолой эсвэл бага зэрэг нээлттэй цонхоор дамжуулан ашиглах шаардлагатай
• Гадагшлуулсан болон нэвтрүүлсэн агаарын хэмжээ, агааржуулалтын эрчмийг хянах боломжгүй
• Температур болон даралт нь гадаа цаг агаарын нөхцөл байдлаас бүрэн хамаардаг
• Барилгын их хэмжээний эрчим хүчний алдагдал үүсэхээс гадна ямар ч төрлийн эрчим хүчний нөхөн сэргээлтийг ашигладаггүй

Зориулалтын төхөөрөмж, агааржуулалтын иж бүрдэл бүхий агааржуулалтын давуу талууд: 

• Гаднах орчны нөхцөл байдлаас үл хамааран дотор агаарыг бүрэн хяналттай тогтмол эргэлттэйгээр нэвтрүүлдэг
• Сэрүүн үед агаарыг тохирох хэмд халааж нэвтрүүлдэг тул халаалтын зардлыг хэмнэлттэй
• Дулаан алдалтгүй
• Цаг агаарын нөхцөл байдлаас үл хамаарч доторх температур болон даралтыг тогтмол хянах боломжтой
• Агаарт байгаа утаа, харшил үүсгэгч элемент зэргийг шүүж агаарыг цэвэршүүлж нэвтрүүлдэг
• Эрчим хүчийг нөхөн сэргээх технологи буюу дулааныг нөхөн сэргээх (HRV) төхөөрөмжтэй.

Зориулалтын төхөөрөмж, агааржуулалтын иж бүрдэл бүхий агааржуулалтын сул талууд: 

• Суурилуулах зардал нь энгийн салхивчны хоолой бүхий агааржуулалтын зардлаас өндөр
• Засвар үйлчилгээ, шүүлтүүр солих, цахилгаан зарцуулалттай холбоотой үйл ажиллагааны зардал гардаг
• Тоног төхөөрөмжийн эвдрэл гэмтэл гарах магадлалтай.

Дээрх агааржуулалтын төрлүүд нь өөрсдийн гэсэн давуу болон сул талуудтай хэдий ч сүүлийн жилүүдэд хүрээлэн буй орчны бохирдол хурдацтайгаар нэмэгдэж байгаатай холбоотойгоор агааржуулалтын системийн үйл ажиллагааг сайн байлгахын тулд оффис, гэр, үйлдвэр гээд бүхий л барилга байгууламжид илүү ухаалаг, автоматжуулсан агааржуулалтын агаарын системийг ашиглах болсон. Ялангуяа хүн амын нягтаршил агаарын болон орчны бохирдол их үед энгийн агааржуулалтын хоолой нь гаднах бохирдлыг шууд гэрт нэвтрүүлдэг тул амьсгалын замын өвчлөл, харшил зэргээс сэргийлэх боломжгүй байдаг.

Хэрэв та гэртээ агааржуулалтын систем хийхээр төлөвлөж байгаа бол манай мэргэжлийн хамт олон гэрийн тань дотор зохион байгуулалт, эзлэхүүн, нарны тусгал, хөл хөдөлгөөн зэргийг тооцон Финланд технологиор Европын №1 агааржуулалтын систем Vallox брэндийн бүтээгдэхүүнийг угсарч суурилуулж үйлчилж байна.